సుభాషితాలు

🌹 *అరక్షితం తిష్ఠతి దైవ రక్షితం*
*సురక్షితం దైవ హతం వినశ్యతి*
*జీవత్య నాధోపి వనే విసర్జితః*
*కృత ప్రయత్నో పి గృహే న జీవతి* 🌹

దైవానుగ్రహమున్నచో యితర రక్షణలు లేకున్నను జీవించును.దేవుని దయ లేకపోతే
యెంత సురక్షిత ప్రదేశమందు వున్నను ప్రాణి నశించును అడవిలో దిక్కులేకుండా 
పారవైచిన వాడు బ్రతికి బాగుంటున్నాడు. గృహమున సురక్షితముగ నున్నవాడు  యెంత
ప్రయత్నించిననూ దక్కకుండా పోతున్నాడు.కదా! దీనికి కారణము మనకు తెలియని ఒక మా శక్తి అని చెప్పక తప్పదు..
మొన్న వార్తలలో రైల్లో ని మరుగు దొడ్లో ఒక స్త్రీ ప్రసవించి బిడ్డ జారి కింద పట్టాల దగ్గర
పడినాడు. ఆ స్త్రీని బంధువులు ఆసుపత్రి లో చేర్పించినారు.పట్టాల దగ్గర ఏడుస్తున్న పసివాడిని ఒకతను తీసుకొని వెళ్లి అదే ఆసుపత్రి లో అప్పగించినాడు.అది ఆమె బిడ్దేనని నిర్ధారించి ఆమెకు అప్ప జెప్పినారు.తల్లీ బిడ్డలు క్షేమమ మని ప్రకటించారు..యిది దైవానుగ్రహ మే కదా!
దైవానుగ్రహం లేనివాడికి ఆపదలెలావస్తాయో భర్తృహరి తన సుభాహితాలలో ఈ
పద్యం చెప్పారు.

🌹 *ధర ఖర్వాటు డొకండు సూర్య కర సంతప్త ప్రధానాంగుడై*
*త్వర తోడన్ బరువెత్తి చేరి నిలచెన్ దాళద్రుమ ఛాయ,ద*
*చ్చిరముం దత్ఫలపాత* *వేగమున విచ్చెన్ శబ్ద యోగంబుగా*
*బొరి దైవోపహతుండు పోవుకడకున్ పొవుగదా యాపదల్* 🌹

💐 *అర్థము:-* 💐

ఒక బట్టతలవాడు మధ్యాహ్నకాలములో దారివెంట వెడుతూ ఎండ వేడికి
తట్టుకోలేక అక్కడ ఈ చెట్టూ లేకపోవుట చే తాటి చెట్టు క్రింద నిలుచున్నాడు.
.అంతలో ఒక కాకి వచ్చి ఆ చెట్టుమీద వాలి తనముక్కుతో తాటి పండును పొడిచింది.ఆ పండు తెగి పోయి వేగముగా వచ్చి ఆ బట్టతలవాడి తల మీద పడింది.దానితో అతని తల పెద్ద శబ్దముతో చీలింది.దైవానుగ్రహము లేనివాడి వెంటనే ఆపదలు వెళతాయి."అందుకే కాకతాళీయము'అనే మాట పుట్టింది.ఏదైనా అనుకోకుండా జరిగితే ఈ మాట లోకములో వాడుతుంటారు.

🌹 *వృశ్చికస్య విషం పుచ్ఛం  మక్షికస్య విషం శిరః*
*తక్షకస్య విషం దంష్ట్రౌ సర్వా౦గం  దుర్జనే విషం* 🌹

తేలుకు తోకలో విషముంటుంది, ఈగకు తలలో విషముంటుంది, పాముకు కోరల్లో విషముంటుంది. కానీ దుర్మార్గునికి నిలువెల్లా విషమే నిండి ఉంటుంది. వాడితో జాగ్రత్తగా ఉండవలయును.

🌹 *కోటరా౦తర్భవో వహ్ని: తరమేకం దహిష్యతి*
*కుపుత్రస్తు కులే జాతః స్వకులం నాశయేత్పరం* 🌹

చెట్టుతొర్రలో పుట్టిన నిప్పు ఆ చెట్టును మాత్రమే కాలుస్తుంది. కానీ కుపుత్రుడు కలిగినచో యావత్తూ  వంశానికే చేటు కలుగుతుంది.

🕉🕉🕉🕉🕉🕉