నీ పరిచయం తో పాటుగా .
దాచుకున్న నెమలీకను పదే పదే ఇక నాదేగా
అనుకుంటూ చూసుకునే సంబరపు పునాది లా
అమ్మ దాచిన తాయిలం నా ఒక్కడికేనా కాదా
అన్నట్టు సంకోచం.. పంచితే ఊరుకొని ఉక్రోషం
ఇప్పటికీ నిన్ను పూర్తిగా గెల్చుకున్నానో లేదో
నని
అలల పై నిలకడలేని నావలా సందిగ్దాల మనసు..
నాన్న కొనిచ్చిన బొమ్మ కారు ఎవరో కాజేస్తారని
పక్కనే పెట్టుకుని పడుకున్నట్లు భయం వెంటే
అభద్రత
ఎక్కడ చేజారిపోతావో నని, నేను అవసరమే రాని (లేని)
నీ సంతోషాల సాక్షిగా..వచ్చేస్తుంది ...
అదుపు లేని కోపం అర్ధం కాని చిక్కు ముడి లా
నేనంటే నీకు నిర్లక్ష్యమో , నమ్మకమో, ధీమా ఏమో
తెలియదు కాని
నువ్వంటే ఎక్కడ దూరమవుతావోనని భయం,
నన్ను వీడకు అనే వేడుకోలు స్వార్ధం నాది....
No comments:
Post a Comment