కర్కాటక లగ్నం, కర్కాటక రాశి వారికి అదృష్టాన్ని ఇచ్చే రుద్రాక్షలు ద్విముఖి, త్రిముఖి, పంచముఖి రుద్రాక్షలు. కర్కాటక లగ్నానికి లగ్నాధిపతి అయిన చంద్రుడికికి ద్విముఖి రుద్రాక్ష, పంచమాధిపతి అయిన కుజుడికి త్రిముఖి రుద్రాక్ష, నవమాధిపతి అయిన గురువుకి పంచముఖి రుద్రాక్ష అదృష్టాన్ని ఇచ్చే రుద్రాక్ష కవచం. కర్కాటక లగ్నానికి లగ్నాధిపతి, పంచమాధిపతి, నవమాధిపతులు యోగ కారకులు. ఈ యోగకారకులు అస్వతంత్ర స్ధానాలలో ఉండి యోగాన్ని ఇచ్చే పరిస్ధితులు లేనప్పుడు ఈ అదృష్ట రుద్రాక్ష కవచాన్ని మెడలో ధరించటం వలన యోగకారక గ్రహాలు శత్రు క్షేత్రాలలో ఉన్నా యోగ ఫలాన్ని పొందవచ్చును. మొదటిసారిగా ఈ రుద్రాక్షను ధరించేటప్పుడు సోమవారం రోజు శివాలయంలో అభిషేకం చేయించుకొని ధరించిన ఉత్తమ ఫలితాలు పొందవచ్చును.
కర్కాటక రాశి ఎండ్రకాయ(పీత) పీతబుఱ్ఱ (అధిక ఆలోచన) కలిగి ఉంటారు. పురుగు స్వభావం, పట్టుదల, తప్పించుకొనే తెలివి తేటలు, స్వతంత్రత, అపకారం చేయుటకు వెనకాడక పోవటం, జల భూచరమైన ఆటుపోటులు, వృద్ధి క్షయాలు మొదలైన లక్షణ ద్వయం కలిగి ఉంటారు. కర్కాటరాశికి అధిపతి చంద్రుడు. కర్కాటక రాశి మేషాదిగా చతుర్ధరాశి కావటం వలన ఎప్పుడు మార్పులు కోరుకుంటారు. స్వాభిమానం కలవారు. భద్రతా ప్రమాణాలను పాటిస్తారు. ప్రతి పనిని జాగ్రత్తగా అమలు పరుస్తారు. చురుకుదనంతో పనిచేస్తారు. ఊహాత్మకంగా ఆలోచిస్తారు. జ్ఞాపకశక్తి అధికం. తమ అభిప్రాయాలను పరిస్ధితులకు అనుగుణంగా మార్పులు చేసుకుంటూ ఉంటారు. కొంతకాలం సంతోషంగా, కొంతకాలం దుఃఖంగా ఉంటారు. వీరి ముఖ కవళికలలో మార్పులు గమనించవచ్చు. ఊహాత్మకమైన నిర్ణయాలు తీసుకోవటానికి, జ్ఞాపక శక్తికి, ఆలోచనా విధానంలో మార్పులకు ఈ అదృష్ట రుద్రాక్ష కవచాన్ని ధరించాలి.
కర్కాటక రాశి వారికి దేశాభిమానం ఎక్కువ. పరిసరాలకు అనుగుణంగా ఆత్మరక్షణ చేపడతారు. అమావాస్య, పౌర్ణమి, గ్రహణాల సమయంలో ఉద్రేకానికి లోనయ్యే అవకాశాలు ఎక్కువ. స్ధిరాస్ధుల విషయంలో మక్కువ కనబరుస్తారు. బంధుప్రీతి కలవారు. భవిష్యత్ అవసరాలకు అనుగుణంగా వసతులను ఏర్పరుస్తారు. జనాధరణపై ఆసక్తి. ఆహారపానీయాలు, రసద్రవ్యాలు, నిత్యవసరాలు, జన సంబంధ విషయాలు ఈ రాశి కారకత్వాలకు చెంది ఉంటాయి. కర్కాటక రాశిలో జన్మించిన వారికి మనో ధైర్యం అధికంగా ఉంటుంది. జల సంబంధమైన విషయాలు ఇబ్బంది కలిగిస్తాయి. అవే జీవితంలో పురోభివృద్ధికి కారణం అవుతాయి. ప్రతి విషయంలో పోరాటం ఎక్కువగా ఉంటుంది. ప్రతి చిన్న పనికి ఒకటికి నాలుగు సార్లు కష్టపడాల్సి వస్తుంది. సన్నిహిత వర్గంలో నిజాయితీపరులు ఉన్నత కాలం వృత్తి, ఉద్యోగ, వ్యాపారులకు ఇబ్బంది ఉండదు. రాజకీయ రంగంలో రాణిస్తారు. లలిత కళలపై మంచి అవగాహన, ప్రవేశం ఉంటుంది. కళా సంబంధిత వ్యాపారాలలో కూడా రాణిస్తారు. లలితకళలో రాణించటానికి, స్దిరాస్ధులు సంపాదించుకోవటానికి, గృహ, వాహన యోగం కలగటానికి ఈ అద్భుత అదృష్ట రుద్రాక్ష కవచాన్ని ధరించాలి.
కర్కాటక రాశి వారికి సంతాన పురోగతి బాగుంటుంది. ప్రారంబంలో కొన్ని సమస్యలు ఎదురైన అధిగమిస్తారు. రాణించలేమని భావించిన రంగాల్లో రాణిస్తారు. హాస్యం పట్ల ప్రత్యేకమైన అవగాహన ఉంటుంది. కార్య నిర్వహణకు చక్కని ఉపాయాలు పధకాలు ఏర్పరచుకుంటారు. తొందరపాటు వలన నష్టపోయే అవకాశం ఉంది. మనల్ని దెబ్బకొట్టటానికి శత్రువర్గం ఎప్పుడు పొంచి ఉంటుంది. ఊపిరితిత్తుల ఆరోగ్యంపై ప్రత్యేక శ్రద్ధ అవసరం. బినామీ పేర్ల మీద చేసే వ్యాపారాల్లో ద్రోహం ఎదురవుతుంది. టెండర్లు, ప్రోమ్టేడ్ పనులు, చేతి వృత్తులకు సంబందించిన కాంట్రాక్టులు అధికంగా లాభిస్తాయి. ధనం స్ధిరం చేసుకోవటం సమస్య అవుతుంది. ఆస్ధుల సంరక్షణకు సంపాదించటానికి పడినంత శ్రమపడాల్సి వస్తుంది. ప్రజాకర్షణ బాగుంటుంది. నిందలు పుకార్లు ప్రజల్లో ఉంటాయి. కానీ ప్రభావం చూపలేవు. క్రీడలకు సంబందించిన వ్యవహారాలు లాభిస్తాయి. పరిశుభ్రతకు ప్రాధాన్యతనిస్తారు. చిన్న చిన్న సంఘటనలు సరదాగా మాట్లాడిన మాటల వలన అధికంగా నష్టపోతారు. సన్నిహిత వర్గాన్ని మితిమీరి ప్రోత్సహించటం వలన చివరకు వాళ్ళ వలనే అధిక పోటీ ఏర్పడుతుంది. వివాదాలు ముదరకుండా ఆదిలోనే పరిష్కరించుకోవటం మంచిది. పంతాలు, పట్టింపులు దీర్ఘకాలంలో లాభించవు. పట్టు విడుపు, లౌకిక ప్రవర్తన వలన చెప్పుకోదగిన ప్రయోజనం కలుగుతుంది. భవిష్యత్ గురించి ఒకటే ఆందోళన, ఏదో జరుగుతుందని ముందే ఊహించుకోవటం, ప్రతి విషయాన్ని నెగిటివ్ గా ఊహించుకోవటం, లేని వాటిని ఊహించుకొని భయపడటం, ఉద్రేకాలను తగ్గించటానికి ఈ అదృష్ట రుద్రాక్ష కవచాన్ని ధరించాలి.
బంధువులతో విభేదాలు చాలా కాలం కొనసాగుతాయి. అనుకున్న వివాహం ఒకటి చేసుకునే వివాహం ఒకటి అవుతుంది. శనిగ్రహం అనుకూలమైన స్ధానంలో ఉన్న వారికి అనుకున్న వివాహం అవుతుంది. వివాహ జీవితంలో ఒడిదుడుకులు తప్పకపోవచ్చు. బంధువులు, మిత్రులు కన్నా ఎటువంటి సంబంధ బాంధవ్యాలు లేనివారు చేరదీసి ఆశ్రయం ఇస్తారు. ప్రోత్సాహాన్ని ఇస్తారు. జీవితంలో ఇది పెద్ద మలుపుగా మారుతుంది. విదేశీయానాం, విదేశీ విద్య, ఉద్యోగం, సాంకేతిక విద్య మొదలైనవి లాభిస్తాయి. భాగస్వామ్య వ్యాపార వ్యవహారాల వలన నష్టపోయే అవకాశాలు ఉన్నాయి. పూర్వీకుల ఆస్ధి మిగలకుండా పోతుంది. స్వార్జితమైన ఆస్ది మిగులుతుంది. ఎన్ని ఆటంకాలు ఎదురైనా బాధ్యతలు సక్రమంగా నెరవేరుస్తారు. ఏమాత్రం సంబంధంలేని విషయాల వలన ఇబ్బందులు పడటమే కాకుండా చట్టపరమైన సమస్యలు ఎదుర్కొనే అవకాశాలు ఉన్నాయి. దైవానుగ్రహం, తెలివితేటలు అప్రతిష్ట రాకుండా కాపాడుతుంది. ఉన్నత స్ధానాన్ని నిలబెట్టుకోవటానికి చాలా కష్టపడతారు. భోగభాగ్యాలు అనుభవిస్తున్నప్పటికి పూర్వకాలంలో తను గడిపిన జీవితాన్ని, ఇబ్బందులను మరచిపోరు. అహంభావం లేని వ్యక్తులుగా పేరు తెచ్చుకుంటారు. గ్రహణాల ఈ రాశి వారిపై అధికంగా ఉంటుంది. సకాలంలో వివాహం జరగటానికి, వైవాహిక జీవితంలో అన్యోన్నతకు, సకల కార్యసిద్ధికి, బంధు, మిత్రుల అభినందనలు పొందటానికి, సంసార సౌఖ్యతకు ఈ అదృష్ట రుద్రాక్ష కవచాన్ని ధరించాలి.
