నవగ్రహ యంత్రాలు

        నవగ్రహ యంత్రాలు నవగ్రహ దోషాలు ఉన్నవారు, వాస్తు దోషాలు ఉన్నవారు, వ్యాపారాబివృద్ధి కొరకు, కుటుంభాభివృద్ధి కొరకు, ధనాభివృద్ధి కొరకు పూజా మందిరంలో గాని, తూర్పు, ఉత్తర, ఈశాన్య దిక్కుల యందు ప్రతిష్టించుకొని ధూప దీప నైవేద్యాలతో పూజించు వారికి నవగ్రహ బాధల నుండి విముక్తి కలుగుతుంది. 

సూర్య గ్రహ యంత్రం:- సూర్య గ్రహ యంత్రం పూజించటం వలన సూర్యగ్రహ దోష నివారణతో పాటు, గుండెజబ్బులు, అనారోగ్య, కంటిదోషనివారణకు, అభివృద్ధికి, గౌరవాలకు  తూర్పు దిక్కున గాని పూజా మందిరంలోగాని ప్రతిష్టించుకోవాలి. “ఓం హ్రాం హ్రీం సః సూర్యాయ నమః”అను మంత్రంతో జపం చేసి పూజించాలి.

చంద్ర గ్రహ యంత్రం:- చంద్రగ్రహ యంత్రం పూజించటం వలన చంద్రగ్రహ దోషాలతో పాటు, మానసిక ఆందోళనలు, మాతృ దోషం, ఉదర సంబంద దోషాలు, చంద్ర గ్రహ బాలారిష్ట దోషాలకు, కుటుంబ అభివృద్ధికి, ధనప్రాప్తికి, విజయానికి, సుఖాభివృద్ధి కొరకు “ఓం ఐం క్లీం సోమాయ నమః”అను మంత్రంతో పూజాదులు నిర్వహించి పూజామందిరంలో స్ధాపించాలి.

కుజ గ్రహ యంత్రం:- కుజగ్రహ దోష నివారణకు, ఋణ బాధలు, వివాహ సమస్యలు, విద్యలో ఆటంకాలు, శత్రుబాధలు, వాహనప్రమాదాలు, కుజ దోష నివారణకు, సంకల్ప సిద్ధికి “ఓం ఐం హౌం శ్రీం ద్రాం కాం గ్రహాధి పతయే భౌమాయ స్వాహా” అను మంత్రంతో పూజాదులు చేసి పూజా మందిరంలో స్ధాపించుకోవాలి.

బుధ గ్రహ యంత్రం:- బుధగ్రహ దోష నివారణకు, చర్మ సంబంధ సమస్యలు, జీర్ణక్రియలో లోపాలు, బుద్ధి వికాస దోషాలకు, విద్యాభివృద్దికి ,వ్యాపారాభివృద్ధికి “ఓం హ్రాం క్రోం జం గ్రహణాధాయ బుధాయ స్వాహా"అను మంత్రంతో పూజ చేసి పూజా మందిరంలోను, వ్యాపార స్ధలంలో ఉత్తర దిక్కున స్ధాపించాలి.

గురు గ్రహ యంత్రం:- గురుగ్రహ దోష నివారణకు, ధన సంపాదనకు, సంతాన దోష నివారణకు, కుటుంబ అభివృద్ధికి, గౌరవాభివృద్ధికి, ఉన్నత విద్యాభివృద్ధికి "ఓం హ్రీం శ్రీం బ్లీమ్ ఐం గ్లౌం గ్రహాధిపతయే బృహస్పతయే నమః" అను మూల మంత్రంతో పూజా మందిరంలో ఉంచి పూజ చేయాలి.

శుక్ర గ్రహ యంత్రం:- శుక్ర గ్రహ దోష నివారణకు, వైవాహిక దోష నివారణకు, దాంపత్యంలో అన్యోన్నతకు, గర్భాశయ దోషానికి, లలిత కళలయందు రాణింపు కొరకు, విద్యయందు రాణింపుకు “ఓం హ్రీం శ్రీం శుక్రాయ నమః”అనే మంత్రంతో పూజ చేసి పూజా మందిరంలో స్ధాపించుకోవాలి.

శని గ్రహ యంత్రం:- శని గ్రహ దోష నివారణకు, అపమృత్యుదోషనివారణకు, భాధలు, కష్టాలనివారణకు, పనులు ఆలస్య నివారణకు “ఓం ఐం హ్రీం శ్రీం శనైశ్చరాయ నమః”అనే మూల మంత్రంతో బ్రాహ్మణోత్తములచే పూజ చేయించుకొని పూజా మందిరంలో స్ధాపించుకోవాలి.

రాహు గ్రహ యంత్రం:- రాహుగ్రహ దోషానికి, మానసిక ప్రశాంతతకు, చెడు సావాసాల నివారణకు, నాగ దోష, కాలసర్ప యోగ, బందన యోగ నివారణకు మోసపూరిత సహవాసం నుండి బయటపడటానికి “ఓం ఐం హ్రీం రాహవే నమః”అనే మంత్రంతో పూజ చేసి పూజా మందిరంలో స్ధాపించుకోవాలి.

కేతు గ్రహ యంత్రం:- కేతు గ్రహ దోష నివారణకు దైవ చింతనకు, జ్ఞానాభివృద్ధికి, ధనాభివృద్ధికి, “ఓం కేతుం కృణ్వన్నకేతనే పేశో మర్యా ఆపేశసే సముషద్భిరజా యధాః” అనే మూల మంత్రంతో పూజ చేసి స్ధాపించుకోవాలి.

శ్రీ గుట్టీ సుబ్రహ్మణ్యం శర్మ

శ్రీ స్వర్ణాకర్షణ భైరవ యంత్రం - కాలభైరవ రూపు

స్వర్ణాకర్షణ కాలభైరవ యంత్రాన్ని శని దోషం ఉన్నవారు, శని దశ, ఏల్నాటి శని ఉన్నవారు, పనులు ఆటంకాలు కలుగుతున్నవారు, శని సంబంధ వృత్తి, ఉద్యోగాలలో రాణించాలనుకునేవారు, ధనాభివృద్ధి కొరకు యంత్రాన్ని పూజా మందిరంలో ప్రతిష్టించుకొని పూజించు వారికి ధనాభివృద్ధితో పటు, శని బాధల నుండి విముక్తి కలుగుతుంది. పిల్లలకు చదువులో శ్రద్ధ తగ్గుతున్న, దీర్ఘకాల అనారోగ్యాలతో బాధపడుతున్నవారు, దీర్ఘకాల సమస్యలు ఉన్నవారు కాలభైరవ రూపు ధరించటం మంచిది.

స్వర్ణవర్ణం చతుర్బాహుం త్రినేత్రం పీతవాససం
స్వర్ణ పాత్రధరం వందే స్వర్ణాకర్షణ భైరవం

పరమేశ్వరుని మరొక రూపమే శ్రీ స్వర్ణాకర్షణ భైరవ స్వరూపం చూడడానికి ఎర్రటి చాయతో ప్రకాశిస్తూ ఉంటారు. బంగారు రంగు దుస్తులు ధరిస్తాడు. తలపై చంద్రుడిని ధరించి. చతుర్భుజాలతో. ఒక చేతిలో బంగారు పాత్ర ఉంటుంది. స్వర్ణాకర్షణ భైరవుడు సిరి సంపదలు ఇస్తాడని చెబుతారు.

కాశీక్షేత్ర నివాసంచ కాలభైరవ దర్శనం
ఫ్రయాగే మాధవం దృష్ట్వా ఏకబిల్వం శివార్పణం !

అని శివరాత్రికి మనవూళ్ళో గుళ్ళో పాటతో కాలభైరవుడి పరిచయం అవుతుంది. కాలభైరవుడు వారణాసికి క్షేత్రపాలకుడుగా కీర్తించబడ్డాడు. మంత్ర తంత్ర సాధనల్లో ఏం సాధించాలన్నా ముందు ఆయన అనుమతి తీసుకుంటారు. సాక్షాత్తూ శివుడే కాలభైరవుడై సంచరించాడని శాస్త్రాలు చెపుతున్నాయి. అనేక దేవాలయాల్లో కాలభైరవ విగ్రహం వుంటుంది, ఆయన క్షేత్రపాలకుడిగా, గ్రామ నగర రక్షకుడిగా, మంత్ర శాస్త్ర వ్యాఖ్యాతగా, తంత్ర మూర్తిగా మనకి తెలుసు.

కాలమే జగన్మూలం. ఆ కాలరూపుడే కాలభైరవుడు. కాలాన్ని జయించడం సాధ్యం కాకున్నా దాన్ని అనుకూలంగా మార్చుకోవచ్చు. గ్రహబలాలని అధిగమించి అదృష్ట జీవితాన్ని, సంకల్ప సిద్ధిని పొందడం భైరవోపాసనతో సాధ్యం. కంచి పరమాచార్యులు శ్రీ శ్రీ చంద్రశేఖర సరస్వతి స్వామి వారు అనేక సంవత్సరాలు కాలభైరవాలయంలో సాధనచేసినట్లు ఆ పీఠంలో ఆ సమయంలో వున్న సాధకులు తెలిపారు.

కాలభైరవుడ్ని నేపాల్ ప్రాంతాల్లో, హిమాలయాల్లో ఎంతగానో పూజిస్తారు. ఖాట్మండు నగర మధ్యంలో వున్న కాలభైరవ మూర్తి చాలా దశాబ్దాలు నేపాల్ సుప్రీం కోర్టుగా పరిగణించబడేది. ఆ విగ్రహం ముందు ఎవరైన అబద్దం చెపితే సజీవులై వుండలేరని నమ్మకం. ఇటువంటిదే కానీపాకంలో వినాయకుని గురించి కూడా మనం వినవచ్చును. ఆధునికయుగంలోనూ కొన్ని కొన్ని విశేషాలు ఆశ్చర్యం కలిగిస్తాయి. ఆయన పేరుకి తగ్గట్టు ధన సమృద్ధిని, ఋణ విముక్తిని ఇస్తాడు. అన్నిటికన్న ముఖ్యం జ్ఞాన వైరాగ్యాలకి ఆయనే అత్యంత సన్నిహితుడు, కారకుడు.

స్వర్ణాకర్షణ భైరవ స్తోత్రం

ఓం అస్య శ్రీ స్వర్ణాఽకర్షణ భైరవ స్తోత్ర మహామంత్రస్య బ్రహ్మ ఋషిః అనుష్టుప్ ఛందః శ్రీ స్వర్ణాకర్షణ భైరవో దేవతా హ్రీం బీజం క్లీం శక్తిః సః కీలకం మమ దారిద్ర్య నాశార్థే పాఠే వినియొగః ||

ఋష్యాది న్యాసః |
బ్రహ్మర్షయే నమః శిరసి |
అనుష్టుప్ ఛందసే నమః ముఖే |
స్వర్ణాకర్షణ భైరవాయ నమః హృది |
హ్రీం బీజాయ నమః గుహ్యే |
క్లీం శక్తయే నమః పాదయోః |
సః కీలకాయ నమః నాభౌ |
వినియొగాయ నమః సర్వాంగే |
హ్రాం హ్రీం హ్రూం ఇతి కర షడంగన్యాసః ||

ధ్యానం |
పారిజాతద్రుమ కాంతారే స్థితే మాణిక్య మండపే
సింహాసన గతం వందే భైరవం స్వర్ణదాయకం |

గాంగేయ పాత్రం డమరూం త్రిశూలం
వరం కరః సందధతం త్రినేత్రం
దేవ్యాయుతం తప్త స్వర్ణవర్ణ
స్వర్ణాకర్షణ భైరవమాశ్రయామి ||

మంత్రః |
ఓం ఐం హ్రీం శ్రీం ఐం శ్రీం ఆపదుద్ధారణాయ హ్రాం హ్రీం హ్రూం అజామలవధ్యాయ లోకేశ్వరాయ స్వర్ణాకర్షణ భైరవాయ మమ దారిద్ర్య విద్వేషణాయ మహాభైరవాయ నమః శ్రీం హ్రీం ఐం |

స్తోత్రం |
ఓం నమస్తే భైరవాయ బ్రహ్మ విష్ణు శివాత్మనే|
నమః త్రైలోక్య వంద్యాయ వరదాయ వరాత్మనే || ౧ ||

రత్నసింహాసనస్థాయ దివ్యాభరణ శోభినే |
దివ్యమాల్య విభూషాయ నమస్తే దివ్యమూర్తయే || ౨ ||

నమస్తే అనేక హస్తాయ అనేక శిరసే నమః |
నమస్తే అనేక నేత్రాయ అనేక విభవే నమః || ౩ ||

నమస్తే అనేక కంఠాయ అనేకాంశాయ తే నమః |
నమస్తే అనేక పార్శ్వాయ నమస్తే దివ్య తేజసే || ౪ ||

అనేకాఽయుధయుక్తాయ అనేక సురసేవినే |
అనేక గుణయుక్తాయ మహాదేవాయ తే నమః || ౫ ||

నమో దారిద్ర్యకాలాయ మహాసంపత్ప్రదాయినే |
శ్రీ భైరవీ సంయుక్తాయ త్రిలోకేశాయ తే నమః || ౬ ||

దిగంబర నమస్తుభ్యం దివ్యాంగాయ నమో నమః |
నమోఽస్తు దైత్యకాలాయ పాపకాలాయ తే నమః || ౭ ||

సర్వజ్ఞాయ నమస్తుభ్యం నమస్తే దివ్య చక్షుషే |
అజితాయ నమస్తుభ్యం జితమిత్రాయ తే నమః || ౮ ||

నమస్తే రుద్రరూపాయ మహావీరాయ తే నమః |
నమోఽస్త్వనంత వీర్యాయ మహాఘోరాయ తే నమః || ౯ ||

నమస్తే ఘోర ఘోరాయ విశ్వఘోరాయ తే నమః |
నమః ఉగ్రాయ శాంతాయ భక్తానాం శాంతిదాయినే || ౧౦ ||

గురవే సర్వలోకానాం నమః ప్రణవ రూపిణే |
నమస్తే వాగ్భవాఖ్యాయ దీర్ఘకామాయ తే నమః || ౧౧ ||

నమస్తే కామరాజాయ యొషిత కామాయ తే నమః |
దీర్ఘమాయాస్వరూపాయ మహామాయాయ తే నమః || ౧౨ ||

సృష్టిమాయా స్వరూపాయ నిసర్గ సమయాయ తే |
సురలోక సుపూజ్యాయ ఆపదుద్ధారణాయ చ || ౧౩ ||

నమో నమో భైరవాయ మహాదారిద్ర్యనాశినే |
ఉన్మూలనే కర్మఠాయ అలక్ష్మ్యాః సర్వదా నమః || ౧౪ ||

నమో అజామలవధ్యాయ నమో లోకేష్వరాయ తే |
స్వర్ణాఽకర్షణ శీలాయ భైరవాయ నమో నమః || ౧౫ ||

మమ దారిద్ర్య విద్వేషణాయ లక్ష్యాయ తే నమః |
నమో లోకత్రయేశాయ స్వానంద నిహితాయ తే || ౧౬ ||
నమః శ్రీ బీజరూపాయ సర్వకామప్రదాయినే |
నమో మహాభైరవాయ శ్రీ భైరవ నమో నమః || ౧౭ ||

ధనాధ్యక్ష నమస్తుభ్యం శరణ్యాయ నమో నమః |
నమః ప్రసన్న (రూపాయ) ఆదిదేవాయ తే నమః || ౧౮ ||

నమస్తే మంత్రరూపాయ నమస్తే మంత్రరూపిణే |
నమస్తే స్వర్ణరూపాయ సువర్ణాయ నమో నమః || ౧౯ ||

నమః సువర్ణవర్ణాయ మహాపుణ్యాయ తే నమః |
నమః శుద్ధాయ బుద్ధాయ నమః సంసార తారిణే || ౨౦ ||

నమో దేవాయ గుహ్యాయ ప్రచలాయ నమో నమః |
నమస్తే బాలరూపాయ పరేషాం బలనాశినే || ౨౧ ||

నమస్తే స్వర్ణసంస్థాయ నమో భూతలవాసినే |
నమః పాతాళవాసాయ అనాధారాయ తే నమః || ౨౨ ||

నమో నమస్తే శాంతాయ అనంతాయ నమో నమః |
ద్విభుజాయ నమస్తుభ్యం భుజత్రయ సుశోభినే || ౨౩ ||

నమోఽణిమాది సిద్ధాయ స్వర్ణహస్తాయ తే నమః |
పూర్ణచంద్ర ప్రతీకాశ వదనాంభోజ శోభినే || ౨౪ ||

నమస్తేఽస్తు స్వరూపాయ స్వర్ణాలంకార శోభినే |
నమః స్వర్ణాఽకర్షణాయ స్వర్ణాభాయ నమో నమః || ౨౫ ||

నమస్తే స్వర్ణకంఠాయ స్వర్ణాభ అంబరధారిణే |
స్వర్ణసింహాసనస్థాయ స్వర్ణపాదాయ తే నమః || ౨౬ ||

నమః స్వర్ణాభపాదాయ స్వర్ణకాంచీ సుశోభినే |
నమస్తే స్వర్ణజంఘాయ భక్తకామదుధాత్మనే || ౨౭ ||

నమస్తే స్వర్ణభక్తాయ కల్పవృక్ష స్వరూపిణే |
చింతామణి స్వరూపాయ నమో బ్రహ్మాది సేవినే || ౨౮ ||

కల్పద్రుమాద్యః సంస్థాయ బహుస్వర్ణ ప్రదాయినే |
నమో హేమాకర్షణాయ భైరవాయ నమో నమః || ౨౯ ||

స్తవేనానేన సంతుష్టో భవ లోకేశ భైరవ |
పశ్య మాం కరుణాద్రుష్ట్యా శరణాగతవత్సల || ౩౦ ||

శ్రీ మహాభైరవస్య ఇదం స్తోత్రముక్తం సుదుర్లభం |
మంత్రాత్మకం మహాపుణ్యం సర్వైశ్వర్యప్రదాయకం || ౩౧ ||

యః పఠేన్నిత్యం ఏకాగ్రం పాతకై స ప్రముచ్యతే |
లభతే మహతీం లక్ష్మీం అష్టైశ్వర్యం అవాప్నుయాత్ || ౩౨ ||

చింతామణిం అవాప్నోతి ధేను కల్పతరుం ధృవం |
స్వర్ణరాశిం అవాప్నోతి శీఘ్రమేవ న సంశయః || ౩౩ ||

త్రిసంధ్యం యః పఠేత్ స్తోత్రం దశావృత్యా నరోత్తమః |
స్వప్నే శ్రీ భైరవః తస్య సాక్షాత్ భూత్వా జగద్గురుః || ౩౪ ||

స్వర్ణరాశి దదాత్యస్యై తత్‍క్షణం నాత్ర సంశయః |
అష్టావృత్యా పఠేత్ యస్తు సంధ్యాయాం వా నరోత్తమం || ౩౫ ||

లభతే సకలాన్ కామాన్ సప్తాహాన్ నాత్ర సంశయః |
సర్వదా యః పఠేత్ స్తోత్రం భైరవస్య మహాత్మనాః || ౩౬ ||

లోకత్రయం వశీకుర్యాత్ అచలాం లక్ష్మీం అవాప్నుయాత్ |
న భయం విద్యతే క్వాపి విషభూతాది సంభవం || ౩౭ ||

మ్రియతే శత్రవః తస్య అలక్ష్మీ నాశం ఆప్నుయాత్ |
అక్షయం లభతే సౌఖ్యం సర్వదా మానవోత్తమః || ౩౮ ||

అష్ట పంచాత్వర్ణాద్యో మంత్రరాజః ప్రకీర్తితః |
దారిద్ర్య దుఃఖశమనః స్వర్ణాకర్షణ కారకః || ౩౯ ||

య ఏన సంచయేత్ ధీమాన్ స్తోత్రం వా ప్రపఠేత్ సదా |
మహాభైరవ సాయుజ్యం స అనంతకాలే లభేత్ ధృవం || ౪౦ ||

ఇతి రుద్రయామల తంత్రే స్వర్ణాకర్షణ భైరవ స్తోత్రం సంపూర్ణం ||

శ్రీ గుట్టీ సుబ్రహ్మణ్యం శర్మ

జాతకచక్రంలో తృతీయ భావ విశ్లేషణ

తృతీయ భావంలో సోదరులు, తోబుట్టువులు, ధైర్యం, సాహసం, దగ్గరి ప్రయాణాలు, ఆయుర్ధాయం, చిత్ర లేఖనం, గొంతు, చెవులు, బంధువులు, జన సహకారం, మిత్రులు, కమ్యూనికేషన్, కవిత్వం, మ్యూజిక్, నృత్యాలు, డ్రామా, క్రీడలలో రాణింపు (స్పోర్ట్స్), వృత్తి సేవకులు, సంతానాభివృద్ధి (పంచమానికి లాభ స్ధానం), స్వయం కృషి, స్వయం ఉపాది, స్వయం వృత్తి, శరీర పుష్టి, భుజాలు, కుడిచేయి, సవతి తల్లి, తల్లి అనారోగ్యం (చతుర్ధానికి వ్యయం), వ్యామోహాలు, కోరికలు (కామ త్రికోణం) ఉపచయ స్ధానం వంటి విషయాలను పరిశీలించవచ్చును.

తృతీయం ద్వితీయ భావానికి భావాత్ భావం, అష్టమ భావానికి తృతీయం భావాత్ భావం. అందుకే ద్వితీయం, అష్టమం బాగుంటే సరిపోదు తృతీయం కూడా బాగుండాలి. శుక్ర, చంద్రులు తృతీయ భావంపైన ప్రభావం చూపిస్తుంటే చెల్లెల్లు ఉంటారు. రవి, కుజ, గురు గ్రహాల సంబంధం ఉంటే సోదరులు ఉంటారు. కుజుడు తృతీయంలో స్వక్షేత్ర, మిత్ర, ఉచ్చ క్షేత్రాలలో కాకుండా ఇతర క్షేత్రాలలో ఉంటూ శుభగ్రహ వీక్షణ లేకుంటే సోదర సహాకారం ఉండదు. తృతీయంలో రాహువు ఉంటే కుటుంబంలో చిన్న లేదా పెద్ద అయి ఉంటారు. కేతువు ఉంటే కుటుంబంలో చిన్నవాడై ఒక్కడే ఉంటాడు. తృతీయంలో పాపగ్రహాలు ఉంటే ధైర్యం, సాహసం, బలం ఉంటాయి. శుభగ్రహం ఉంటే సౌమ్యత, దూకుడుతనం తక్కువగా ఉంటాయి. 

తృతీయ బావాధిపతి గ్రహ దశ, అంతరదశలలో దగ్గర ప్రయాణాలు చేస్తారు. తృతీయంలో పాపగ్రహం ఉండి శుభగ్రహ దృష్టి లేకుంటే అంగవైకల్యం పొందే అవకాశం ఉంది. 3, 6 అధిపతుల సంబంధం ఉంటే రోగ నిరోదక శక్తి ఉంటుంది. 3, 8 అధిపతుల సంబంధం ఉంటే దీర్ఘ అనారోగ్యం ఉంటుంది. 3, 12 ఆదిపతుల సంబంధం ఉంటే హాస్పటల్ ఖర్చులు ఉంటాయి.  కుజుడు తృతీయాధిపతి బేసి రాసులందుండి పురుష గ్రహాలచే చూడబడుతున్న జాతకునికి సోదరులు ఉందురు. సరి రాసులందుండి స్త్రీ  గ్రహాలచే చూడబడుతున్న జాతకునికి చెల్లెల్లు ఉందురు. తృతీయం బలహీనమైనను కుజుడు లేదా తృతీయాధిపతి గురువుతో కలసిన సోదర సౌఖ్యం ఉంటుంది. గురువు ఏకాదశంలో ఉన్న జ్యేష్ఠ సోదరునితో సమస్యలు వస్తాయి.

తృతీయాధిపతి రవితో కలసిన తలపొగరు, కోపం ఉంటాయి. చంద్రునితో కలసిన భోళాతనం, కుజునితో ధైర్యం, బుధునితో కలసిన జాగ్రత్త కలవారుగా, గురువుతో కలసిన సూటిగా మాట్లాడతారు. శుక్రునితో కలసిన కాముకులుగా స్త్రీల కారణంగా గొడవలు, శనితో కలసిన మూర్ఖుడిగా, ఉత్సాహం లేనివాడుగా, రాహు, కేతులతో కలసి ఉన్న బయిటకు అమాయకులుగా మంచివారుగా కనపడినను బలహీనమైన మనస్సు కలగి పిరికి వారవుదురు.  మరియు సర్ప భయం కలగి ఉంటారు.

తృతీయంలో రవి ఉంటే :-ధైర్యం, తెలివితేటలు, మూర్ఖత్వంతో పాటు విజయం కలిగి ఉందురు. సోదరులకు ఇబ్బంది. తండ్రికి అరిష్టం. పాపగ్రహం కావటం వలన జాతకునికి మంచిది. ప్రభుత్వ సహకారం, ఎముకల పుష్ఠి, సహకారం, పొగరు, పౌరుషం, లైంగిక శక్తిని కోల్పోవుదురు.

తృతీయంలో చంద్రుడు ఉంటే :- సోదరీమణుల సహాకారం, మంచి చిత్రలేఖకులు, క్రియేటివిటి కలిగి ఉంటారు. ప్రయాణాలు అంటే ఇష్టపడతారు. ఈతలో ప్రావీణ్యం ఉంటుంది. తల్లికి అరిష్టం,. జలగండం. జలవ్యాధి, బుధ, శనిగ్రహాలు కలసి ఉంటే నపుంసకులు అగుదురు. వృత్తిలో తరచుగా మార్పులు పొందుతారు. భార్య లేదా భర్త అందంగా ఉంటారు. జ్ఞానం, ఆధ్యాత్మిక విషయాలలో విభిన్న భావాలు కలగి ఉంటారు. మంచి సంతానం, బలహీనమైన క్రూరత్వం, మానసిక శాంతి లేకపోవటం జరుగుతుంది.

తృతీయంలో కుజుడు ఉంటే:- సోదర, సోదరి విషయాలలో ఇబ్బందులు. క్రీడాకారులుగా రాణింపు, స్వయం ఉపాది, డిఫెన్స్ సర్వీస్, చెవి సమస్యలు, భుజాలు బలహీనం, ప్రయాణాలలో ప్రమాదాలు, కుటుంబంలో భేదాభిప్రాయాలు, నిర్లక్ష్యంగా ఉండటం, మాట వినకపోవటం, ఈ స్ధానం బలహీనమైన  క్రూర ప్రవృత్తి, ఆత్మహత్యలు ఛేసుకోవటం.

తృతీయంలో బుధుడు ఉంటే:- ఇతరులులకు మంచి మంచి జరుగుతుంది. కాటి తనకు సంతోషం ఉండదు. చురుకుతనం, చదువుపై ఆసక్తి కలిగి ఉంటారు. అప్పగించిన పనిని తెలివితో పూర్తి చేయటం. లౌక్యం, నేర్పు కలిగి ఉంటారు. వ్యాపారంలో రాణిస్తారు. చెస్ క్రీడలో రాణింపు, మిత్రుల, బంధువుల సహాకారం. నరాల బలహీనత, చరరాశి అయితే ప్రయాణాలు, ఆర్టిస్ట్, గణితం, ఆడిటింగ్, మార్కెటింగ్ సేల్స్ ఆఫీసర్ గా రాణింపు.

తృతీయంలో గురువు ఉంటే:- తెలివికలవాడు, తండ్రితో సత్సంబందాలు ఉండవు. తీర్ధయాత్రలు ఛేస్తారు. ఆధ్యాత్మిక పుస్తకాలు వ్రాయటం, వినటం, తోబుట్టువుతో అన్యోన్నత, గురువు పాపి అయితే కృతజ్ఞత, దయాగుణం, మిత్రులు లేనివారగుదురు. సాంప్రదాయం పాటించనివారు. అవకాశాలను ఉపయోగించుకోలేని వారై ఉంటారు. 

తృతీయంలో శుక్రుడు ఉంటే:- మానసికంగా మంచిగా ఉన్న అనారోగ్యవంతులు. జీవశక్తి లేనివారై ఉంటారు. గానం, సంగీతం, నృత్యం, లలితా కళలపై ఆసక్తి కలిగి ఉంటారు. ఆర్ధికపరమైన విజయావకాశాలు తక్కువ. శుక్రుడు బలహీనుడైన బీదరికం, పాప బుద్ధి, శారీరక సుఖాలు లేకపోవటం జరుగుతుంది. ఇతరులను బయపెట్టటం, అపవాదులు వేయటం. సోదరులు ఉన్నత స్ధితి కలిగి ఉంటారు. సంతాన సౌఖ్యం ఉండదు. బ్యూటీ పార్లర్, ఫ్యాషన్ డిజైనింగ్, డ్రాయింగ్, నపుంసకుడు, భార్యా విధేయుడు, వినోదయాత్రలు చేయటం. కామాశక్తి కలిగి ఉంటారు.

తృతీయంలో శని ఉంటే :- ఆయుర్దాయం కలిగి ఉంటారు. ప్రజల సహకారం, బద్ధకస్తుడు. మానసిక సమస్యలు, సంతానం వలన సమస్యలు, తోబుట్టువులకు అరిష్టం, సోదర నష్టం, ధైర్యసాహసాలు, క్రూరత్వం కలిగి ఉంటారు. మునిసిపాలిటిలో ఉధ్యోగాలు, నిరాశ నిస్పృహాలు కలిగి అనేక వ్యతిరేకతలకు లోనై తరువాతనే విజయవంతులు అవుతారు. ఉద్వేగం, అనుమానం, కోపం కలిగి ఉంటారు.

తృతీయంలో రాహువు ఉంటే :- బయటకు ధైర్యంగా కనిపిస్తారు. ఆకస్మిక, అనుకోని వార్తలు వినటం, సోదరుల విషయంలో మంచిది కాదు. వీరి ఆలోచనలు, ఉద్దేశాలు కారణంగా విమర్శలు ఎదుర్కొంటారు. ఆయుర్ధాయం, చెవి సమస్యలు, ఎక్కువ మంది చెల్లెల్లు కలిగి ఉంటారు.లోతు వియయాలపై ఆసక్తి.

తృతీయంలో కేతువు ఉంటే:- క్రీడలలో రాణింపు, చురుకుతనం, ధన సంపాదన, భౌతికపరమైన సుఖాలు, శత్రువులపై విజయాలు, కుటుంబంలో చిన్నవాడై ఉంటాడు. భయస్తులు, వైరాగ్యం, మానసిక చింతన కలిగి ఉంటారు. బ్రాంతి కలిగి ఉంటారు.

శ్రీ గుట్టీ సుబ్రహ్మణ్యం శర్మ

షోడశ వర్గ చక్రాల విశ్లేషణ

జాతకచక్రంలో కేవలం రాశి చక్రాన్నే కాకుండా బావచక్రాన్ని,నవాంశ చక్రాన్ని, షోడశ వర్గ చక్రాలను కూడా పరిశీలించాలి. జాతకచక్ర పరిశీలన చేసేటప్పుడు షోడశ వర్గ చక్రాలను కూడ జాతకచక్రంలోని పరిశీలించాలి.ఈ షోడషవర్గుల పరిశిలన వలన జాతకచక్రంలోని రహస్యమైన అంశములను తెలుసుకొనుటకు అవకాశము కలదు.

ఈ షోడశవర్గులే కాక జైమిని పద్దతిలోనూ, తాజక పద్దతి యందు పంచమాంశ, షష్ఠాంశ, అష్ఠమాంశ, లాభాంశ లేక రుద్రాంశ అను నాలుగు వర్గులను సూచించినారు.
పంచమాంశ:- పూర్వపుణ్యబలం, మంత్రం, సిద్దించునా లేదా తెలుసుకోవచ్చు.

షష్టాంశ;- అనారోగ్యం అమంతర్గతంగా ఉందా లేదా బహిర్గతమంగా ఉందో తెలుపును.

అష్టమాంశ:-ప్రమాదాలు, దీర్ఘకాలిక వ్యాదులు, యాక్సిండెంట్స్,వైద్యపరంగా యాక్సిడెంట్ ద్వారా అవయవాన్ని తొలిగించుట.యాసిడ్ దాడులు.

లాభాంశ(రుద్రాంశ):-ఆర్ధికపరమైన లాభాలు,వృషభరాశి ఏలగ్నంగాని, గ్రహంగాని రాదు. వృషభరాశి శివుడికి సంబందించిన రాశి కాబట్టి ఈ రాశిలో ఏగ్రహం ఉండదు.

లగ్న కుండలి

లగ్న కుండలి జాతకానికి సంబంధించిన అన్ని అంశాలను తెలియ జేస్తుంది. మనిషి మనస్తత్త్వం, శారీరక స్థితి, గుణగణాలు, జీవన విధానం మొదలైన అనేక విషయాలు లగ్నకుండలి ద్వారా తెలుసుకొవచ్చు.

నవాంశ కుండలి(D9)

రాశి చక్రమందు యోగం ఉండి నవాంశ యందు గ్రహాల స్ధితి యుతులలో అవయోగ మేర్పడిన రాశి యందలి ఫలితమునకు విఘాతం కలుగును. రాశిచక్రం జన్మమైతే నవాంశ ప్రాణం.నవాంశ కుండలి మనిషి భాగ్యాన్ని, వైవాహిక జీవితాన్ని తెలియ జేస్తుంది. ఒక మనిషి అదృష్టవంతుడా, కాదా, అదృష్టం దేని ద్వారా వస్తుంది. తదితర విషయాలు వివాహానికి సంబంధించి వివాహ యోగం ఉన్నదా, లేదా, జీవిత భాగస్వామికి సంబంధించిన విషయాలు, వైవాహిక జీవితం ఎలా ఉంటుంది మొదలైన విషయాలు నవాంశ కుండలి ద్వారా తెలుస్తాయి.

హోరా(D2) కుండలి

హోరా కుండలి ఆర్థిక స్తితిని గురించి తెలియ జేస్తుంది. అలాగే మనలో ఉండే వివిధ అంశాల సంతులతను సూచిస్తుంది. రవిహోర(సింహరాశి)లో ఎక్కువ గ్రహలు ఉన్నట్లయితే కృషితో ఎక్కువ సంపాదన ఉంటుంది.సింహం మనలో ఉండే బహిర్గత అంశాలను, కర్కాటకం అంతర్గత అంశాలను సూచిస్తుంది.

ద్రేక్కాణ(D3) కుండలి

వైద్య జ్యోతిష్యంలో ద్రేక్కాణం ద్వారా ఏ శరీర భాగానికి అనారోగ్యం కలుగుతుందో తెలుసుకోవచ్చును.
ద్రేక్కాణం శరీర భాగాలు, ఆరోగ్య సమస్యల గురించి చెబుతుంది. ఇది లగ్న కుండలి లో 3 వ భావం, సోదరీమణులు, స్నేహితులు మరియు భాగస్వామ్యాలు గురించి చెబుతుంది. ఇది మన సామర్థ్యాన్ని పని, లేదా ఒక సమూహం లో, కొన్ని లక్ష్యాన్ని సాధించడాన్ని సూచిస్తుంది. శక్తి, ఆసక్తి, ధైర్యం, పరాక్రమం. మొదలైనవి ద్రేక్కాణ కుండలి ద్వారా తెలుసుకోవచ్చు విశ్లేషణ కొరకు లగ్న కుండలి మరియు కుజుడి స్థితి మరియు 3 వ భావాన్ని తనిఖీ చెయ్యాలి.

చతుర్థాంశ(D4) కుండలి

చతుర్థాంశ మనకు కలిగే సౌకర్యాలు, గృహ వాహనాది యోగాలు, మన జీవితం కష్టాలతో కూడినదా లేక సుఖాలతో కూడినదా, తదితర అంశాల గురించి చెపుతుంది.

సప్తాంశ(D7) కుండలి
సప్తాంశ సంతానం గురించి అలాగే మనలో ఉండే సృజనాత్మక శక్తి గురించి చెపుతుంది.సంతానం,వంశోన్నతి,వంశాభివృద్ధి చూడవచ్చు

దశమాంశ(D10) కుండలి

దశమాంశ ఉద్యోగము మరియు కీర్తి ప్రతిష్టల గురించి తెలియ జేస్తుంది. కర్మలు,వాటి ఫలితాలు,ఉద్యోగం,గౌరవాలు,కీర్తిప్రతిష్ఠలు,వృత్తిలో ఒడిదుడుకులు తెలుసుకోవచ్చు.

ద్వాదశాంశ(D12) కుండలి

ద్వాదశాంశ మన అదృష్టం గురించి, పూర్వ జన్మలో మనం చేసిన కర్మ ఫలితాలను గురించి తెలియజేస్తుంది. అలాగే వంశ సంబంధ దోషాలను గురించి కూడా తెలియ జేస్తుంది.తల్లిదండ్రులతో అనుబందాలు,వారి నుండి వచ్చే అనారోగ్యాలు,ఎవరి నుండి ఎవరికి సుఖం ఉన్నదో తెలుసుకోవచ్చును.

షోడశాంశ(D16) కుండలి

షోడశాంశ మనకు గల గృహ, వాహనాది సౌఖ్యాలను గురించి తెలిసజేస్తుంది. అలాగే ఒక వ్యక్తి అంతర్గంతంగా ఎలాంటివాడో తెలుసుకోవటానికి ఇది ఉపయోగపడుతుంది.వాహనసౌఖ్యం,వాహనాలతో చేసే వృత్తి వ్యాపారాలు లాభిస్తాయో లేదో తెలుసుకోవచ్చును.వాహనానికి ఏరంగు మంచిదో తెలుసుకోవచ్చును.

వింశాంశ(D20) కుండలి

వింశాంశ మనం చేసే దైవారాధన, అనుకూల దైవం, గురూపదేశం తదితర ఆధ్యాత్మిక అంశాలను తెలియ జేస్తుంది. మనం ఏ దేవున్ని ఉపాసన చేయాలి అనేది దీని ద్వారా కనుక్కోవచ్చు.మంత్రోచ్చారణ ,దేవుడిని పూజించేటప్పుడు అడ్డంకులు వస్తాయో లేదో తెలుసుకోవచ్చును.వింశాంశలో శుక్రుడు బలహీనంగా ఉండాలి.బలహీనంగా ఉంటేనే సన్యాసియోగం వస్తుంది.అప్పుడే దైవచింతన చేయగలడు.

చతుర్వింశాంశ(D24) కుండలి

చతుర్వింశాంశ మన విద్యను గురించి ఆధ్యాత్మికతను గురించి తెలియజేస్తుంది. ఉన్నతవిద్య,విదేశి విద్య,విద్యలో ఆటంకాలు గురించి తెలుసుకోవచ్చు.

సప్తవింశాంశ(D27) కుండలి

సప్తవింశాంశ మన శారీరక, మానసిక శక్తియుక్తుల గురించి తెలియజేస్తుంది. అలాగే మన జీవితానికి సంబందించిన అంశాల సూక్ష్మపరిశీలనకు లగ్న కుండలితో పాటు దీన్ని కూడా పరిశీలించాలి.జాతకుడిలో ఉండే బలాలు, బలహీనతలు తెలుసుకోవచ్చును.

త్రింశాంశ కుండలి(D30)

త్రింశాంశ మన కష్ట, నష్టాలను గురించి, అనుకోకుండా వచ్చే ఆపదల గురించి, ప్రమాదాల గురించి తెలియజేస్తుంది.స్త్రీ పురుషుల శీలం,వ్యక్తి యొక్క అంతర్గత ఆలోచనలు,అరిష్టాలు తెలుసుకోవచ్చును.

ఖవేదాంశ(D40) కుండలి

ఖవేదాంశ జాతకాన్ని మరింత క్షుణ్ణంగా అధ్యయనం చేయటానికి, జాతకంలో కల శుభాశుభ అంశాలను తెలుసుకోవటానికి అలాగే మనకు కల అలవాట్లను, భావోద్వేగాలను అంచనా వేయటానికి ఉపయోగపడుతుంది. మాతృవంశం నుండి వచ్చే శుభ కర్మ,అశుభ కర్మ ఫలితాలను తెలుసుకోవచ్చును.

అక్షవేదాంశ కుండలి(D45)

అక్షవేదాంశ మనకుండే నైతిక విలువలను గురించి, జాతకానికి సంబంధించిన అంశాలను సూక్ష్మ పరిశీలన చేయటానికి ఉపయోగ పడుతుంది.తండ్రివంశం నుండి వచ్చే శుభ కర్మ,అశుభ కర్మ ఫలితాలను తెలుసుకోవచ్చును.

షష్ట్యంశ కుండలి (D60)

షష్ట్యంశ జాతకానికి సంబంధించి సూక్ష్మ పరిశీలనకు అలాగే కవలల జాతకాల పరిశీలన విషయంలో ఇది ఉపయోగపడుతుంది.పూర్వజన్మ విషయాలు, కవలల విశ్లేషణకు,ముహూర్తమునకు,ముహూర్త లగ్నం షష్ట్యంశలో మంచిగా ఉండాలి.

శ్రీ గుట్టీ సుబ్రహ్మణ్యం శర్మ