శ్రీ దేవీ ఖడ్గమాలా పుష్పార్చన ---- అమ్మా! శుద్ధ సత్త్వ రూపిణియై దశ సంస్కార రహితయైన విమలాదేవీ మీకు నమస్కరించుచున్నాను. అమ్మా! బాలభాస్కరసమమగు అరుణవర్ణం కలిగి, అరుణ వస్రాన్ని ధరించి, మందారాది అరుణపుష్పాలయందు ప్రీతి కల దేవీ మీకు నమస్కరించుచున్నాను. అమ్మా! జయమే స్వరూపంగా గలిగి భక్తులకు జయాలను ప్రసాదించు తల్లీ మీకు నమస్కరించుచున్నాను . అమ్మా! చరాచర విశ్వానికీ, సృష్టిస్థితి సంహారాలు చేయునట్టి త్రిమూర్తులకూ సైతం ఈశ్వరి అయిన సర్వేశ్వరీ దేవీ మీకు నమస్కరించుచున్నాను. అమ్మా! నిర్గుణ సచ్చిదానంద పరబ్రహ్మ స్వరూపుడగు శివుడు -జగత్కారణ స్వరూపిణియగు సగుణ బ్రహ్మశక్తియే మాత. ఇట్టి శివశక్త్యాత్మక సామరస్య సూచక కౌళినీ స్వరూపిణియగు దేవీ మీకు నమస్కరించుచున్నాను.అమ్మా! శ్రీ చక్రాధిష్టాత్రియై తేజరిల్లుతూ తన ఉపాసకులకు రోగములు రాకుండ కాపాడు నట్టియు, జన్మాంతర ఆదివ్యాధులను కూడా రూపుమాపునట్టిదియు అయిన మహేశ్వరీ మీకు నమస్కరించుచున్నాను. అమ్మా! శ్రీ చక్రాంతర్గత నవావరణ దేవతలలో గల రహస్యయోగినీ బృందానికి అధిష్టాత్రియైన మాతా మీకు నమస్కరించుచున్నాను. అమ్మా! బాణములను దాల్చి భక్తులను రక్షించు మాతా మీకు నమస్కరించుచున్నాను. అమ్మా! చాపాయుధధారిణీ మీకు నమస్కరించుచున్నాను. అమ్మా! మహాకామేశ్వరి,మహావజ్రేశ్వరి,మహాభగమాలిని,సర్వసిద్దిప్రద చక్రస్వామిని అతి రహాస్యయోగిని,శ్రీ శ్రీ మహాభట్టరకే,సర్వనందామయి చక్రస్వాభిని,పరఅపర రహాస్య యోగిని,దేవీ మీరు మా పుష్పాలంకరణ స్వీకరించండి తల్లీ! ఈ గులాబీ మొక్క చూడమ్మా! నీ కోసం ఎన్ని పువ్వులు పూచిందో! ఈ రోజు ఈ పువ్వులను మీకు సమర్పించాలని మొక్కతల్లి తన బిడ్డలను అందముగా తయారుచేసి, అమ్మ దగ్గర వినయ విదేయతలు, భక్తితో మెలగమని, అమ్మకు తలలు వంచి నమస్కరించమని, తమ బిడ్డలకు బుద్ధులు చెబుతుంది ఈ మొక్క తల్లి. తల్లి మాట జవదాటని ఆ చిన్ని గులాబీలు తలలు వంచి వినయవిదేయలతో మీకు నమస్కరించుచున్నాయి. కొన్ని గులాబీలు లేత ఎరుపురంగులో, కొన్ని గులాబీలు కుంకుమరంగులో శోభిస్తున్నాయి అమ్మ. తమ బిడ్డలు దూరం అవుతున్నాయి అని తెలిసినా, ''అమ్మ దగ్గరికే కదా వెళ్ళేది'' అని ధైర్యంతో వున్నదమ్మా ఆ మొక్క తల్లి. తను కన్నీరు పెట్టుకుంటే ఆ చిన్ని చిన్ని గులాబీలు ఎక్కడ తల్లడిల్లి పోతాయోనని, తన కన్నీటిని తనలోకే పంపుకుని, ఆ చిన్ని చిన్ని గులాబీలను తన ఒడిలో చేర్చుకుని, వాయు స్పర్సతో, తను ఊగుతూ, బిడ్డలని ఊపుతూ, జోల పాట పాడుతుంది ఆ తల్లి. అమ్మా! ప్రేమలు మాకేనేమో అనుకున్నాను. ఈ మొక్కలకు కూడా ఉంటాయని అర్ధం అయ్యిందమ్మా! ఆ మొక్కతల్లి త్యాగానికి, ధైర్యానికి, శాంతికి యేమని కృతజ్ఞతలు చెప్పుకోవాలో మాటలు రావడంలేదు తల్లి. నా భావాన్ని ఆ మొక్కతల్లి దగ్గర నివేదించుకున్నాను అమ్మ. అప్పుడు నాకేమి అనిపించిందంటే! ఆనందముతో వాయుదేవుడు ఎంత వేగముగా వచ్చినా, తను మాత్రం చిన్నగానే ఊగుతుంది. తామర పువ్వు రాలిపడిపోతాయో నని భయంతో, ఆ తల్లి భూమాతకు ఎన్నోసార్లు ఆ తామరపువ్వులను నివేదన చేసింది. ఇప్పుడు ఈ నవరాత్రులలో ఈ చిన్ని చిన్ని తామర పువ్వులను నేలరాలకముందే మీ సన్నిధికి చేర్చాలని తన భావనని తెలియచేసింది మొక్కతల్లి. అమ్మా! ఆ మొక్కతల్లికి నమస్కరించి, ఇప్పుడు సంతోషముతో మీ నామజపం చేస్తూ మీకు ఈ పువ్వులను మీకు సమర్పించాలని అనిపించింది అమ్మ. ఇప్పుడే పువ్వులు కోసుకుని తీసుకుని వస్తాను అమ్మా. ఆలస్యం అయ్యిందని ఆగ్రహించకు తల్లి. ఇప్పుడు సంతోషముతో ఈ పువ్వులను మీకు సమర్పిస్తాను, తల్లికి దూరం అయిన ఆ బిడ్డలను అక్కున చేర్చుకోని ఓదార్చి నీలో కలుపుకో అమ్మ. బిడ్డలకు దూరం అయిన ఆ తల్లికి మనోధైర్యాన్ని ఆ తల్లికి ఇచ్చి తన కర్తవ్యాన్ని తను చేసేటట్లుగా ఉత్సాహాన్నిచ్చి చివరికి నీలో కలుపుకునే భాగ్యాన్ని ప్రసాదించు తల్లి. అమ్మా ! ఇంకేమి చెప్పను మాటలు రాని మౌనంతో పువ్వులు సమర్పిస్తూ పూజ చేస్తున్నాను. ఇంతకు మించి నాకు ఏమి కావాలి అమ్మ. ధన్యురాలిని అమ్మ. మీకు నమస్కరించుచున్నాను. మా నమస్కారాన్ని స్వీకరించు అమ్మా!శ్రీ జోగుళాంబాదేవి
అలంపుర క్షేత్రే!!!!!!
*సేకరణ: నా మిత్రబృందం *
No comments:
Post a Comment